Аяллын хугацаа: 7 шөнө, 8 өдөр  

 Шаардагдах зүйл: Хүчин төгөлдөр гадаад паспорт

Аялагчид өглөөний нислэгээр Улаанбаатараас Бээжингийн чиглэлд нисч 2 цагийн дараа Бээжингийн капитал олон улсын нисэх онгоцны буудалд бууна. Бээжин хотод ирж буудалдаа тухлан амарна.

Өглөөний цайны дараа Өглөөний цайны дараа Хятадын эртний зурхайн ухааныг тусгасан гайхамшигт уран барилга Бээжин 2008 зуны олимпын төв цэнгэлдэх хүрээлэн Шувууны үүр болон Усан шоо стадионыг сонирхож дурсгалын зургаа татуулна. боломжтой. Дараа нь Дэлхийн хамгийн том хотын төв талбай болох Тян Ан Мэний талбайд очиж дурсгалын зургаа татуулна. Өдөрийн хоолны дараа Бээжингээс Хайнан арлын өмнөд хэсэгт орших жуулчдын хамгийн их очих дуртай далайн эргийн үзэсгэлэнт Саняа хотын чиглэлд ниснэ. Нислэг 4 цаг орчим үргэлжилсэний дараа Phoenix нисэх онгоцны буудалд буухад нутгийн хөтөч угтан авах ба оройн хоолоо идсэний дараа Саняа булан дахь 3 одны зэрэглэлтэй зочид буудалд тухлан амарна.

Өглөөний цайны дараа далайн гоё сайхныг үзэж алжаал ядаргаагаа тайлан, ирсэн жуулчид хязгааргүй их далай, тэнгэр, усан давалгаан дээр цэнгэн наадсанаар амьдралын баяр баясгалангийн дээдийг эдлэх болно. Өдрийн хоолны дараа Хайнан арлын тулгуур аж ахуйн нэг болох сувдны аж ахуй /БНХАУ-ын шинжлэх ухааны академийн Хайнан арал дахь халуун бүсийн амьд бодисын судалгааны төв лабораторийн харяъа Heren Pearl /-ээр аялаж, хясаанаас сувд хэрхэн гаргаж авдагийг нүдээр үзэж танилцаж жинхэнэ сувдан эдлэлийг үйлдвэрийнх нь үнээр худалдаж авах ховорхон боломжтой. Дараа нь Дэрхийн Миссийн 53, 54, 55, 57 дахь удаагийн тэмцээний үйл ажиллагааг зохион явуулсан Beautycrown Culture Center ордны гадна дурсгалын зургаа татуулна. Хэрэв та хүсвэл буудлынхаа бассейнд зугаацах эсвэл массажны төвд зочилж дэлхийпд алдартай эртний уламжлалт Хятад массажийг бүтэн хоёр цагийн турш толгойноосоо хөлийн ул хүртэл хийлгэж бүтэн жилийнхээ алжаал ядаргааг тайлах боломжтой.

Үдээс өмнө далайн эрэг дээрээ амарч торгон элсэн дээр дал модны сүүдэр дүүжин орон дээр халуун орны далайн сэвэлзүүр салхинд бүүвэйлүүлэн амрах боломжтой. Өдрийн хоолны дараа Хайнан арлын зүүн өмнөд хэсэгт орших халуун рашааны бүс болон Шинлун руу автобусаар 170 км хурдны замаар явж очно. Замдаа халуун орны ургамалын цэцэрлэгт хүрээлэнгээр зугаалж, ургамалын ертөнцийн гайхамшигтай танилцах болно. Орой нь зочид буудалдаа тухлан амарч халуун рашаанд орж, аяны алжаалаа тайлах бөгөөд байгалийн энэ рашаан нь венийн судасны хатуурал, өндөр даралт, чихрийн шижин, саа, арьсны элдэв өвчинд нэн тустай болно.

Өглөөний цайны дараа Шинлун бүсийн онц гаралт кофений үйлдвэрээр орж, кофе амтлан, худалдаа хийнэ. Дараа нь дэлхийн цорын ганц халуун бүсийн Сармагчингийн дархан цаазат арал руу Хятадын хамгийн урт буюу 2138 м агаарын дүүжингээр очиж, Сармагчингийн вант улсаар аялаж сармагчингийн цирк, хошин шоу, парад зэрэг хөгжилтөй аялалд оролцож сармагчингуудтай зургаа татуулж инээд хөөрөөр дүүрэн өнгөрүүлнэ. Өдрийн хоолны дараа Хайнан арлын уугуул иргэд болох Ли үндэстний тосгоноор зочилж, Ли үндэстний хуримын ёслолд оролцож тэдний амьдралын хэв маягтай танилцаж, цагаан будаагаар нэрсэн шан лан-жү архийг нь хүртэж, Ли үндэстний алдарт хулсан бүжгийг үзэж сонирхоно. Мөн Ли залуусын модонд авирах нь сармагчингаас хурдан гэгддэг үнэн болохыг нүдээр үзнэ. Орой нь үзэсгэлэнт Саняа булангийнхаа далайн эргийн дэгэдэх зочид буудалдаа тухлан амарна.

Үдээс өмнө далайн эрэг дээрээ чөлөөтөй амарч байгаад өдрийн хоолны дараа Хайнан арлын алдартай зүйлсийн нэг болох Болорын үйлдвэрээр орж, болор шил, гоёлын зүйлсийг маш хямдхан худалдаж авах боломжтой. Оройн хоолны дараа Саняагаас Бээжин чиглэлд ниснэ. Нислэг 4 цаг үргэлжилнэ. Оройдоо Бээжин хотод ирж зочид буудалдаа тухлан амарна.